დასკვნითი ნაწილი

         ყოველივე ამის შემდეგ, შემიძლია ვთქვა,რომ დღესდღეობით, ყველაფრის მიუხედავად დიდ როლს თამაშობს  კომპიუტერი ჩვენს ცხოვრებაში და თუნდაც მისი უარყოფითი მხარეების მიუხედავად ძალზე აქტუალურია, რადგან თუ გავითვალისწინებთ დღევანდელობას და ტექნოლოგიური მიღწევების სწრაფად შემოჭრას ჩვენს საქმიანობაში ,შეძილება დავასკვნათ, რომ დღეს ის იმარჯვებს ვინც მეტ ინფორმაციას ფლობს,ამაში კი კომპიუტერსაც დიდი წვლილი მიუძღვის...
      ასე, რომ მთავარია კომპიუტერის შესაძლებლობები მიზანმიმართულად გამოვიყენოთ და ამ შემთხვევაში ის უარყოფითი მხარეები, რომლებიც ზეომთ აღვნიშნე არც ის იარსებებს.

კომპიუტერის დადებითი და უარყოფითი მხარეები

           კომპიუტერს ამ ყველაფერთან ერთად აქვს როგორც დადებითი,ისევე უარყოფითი მხარეები... დადებითია : იგებ ბევრ, ახალ ინფორმაციას სწრაფად,აწარმოებ საქმიან მოლაპარაკებებს, ეკონტაქტები მეგობრებს,რომელთანაც არ გაქვს ყოველდღიური ურთიერთობა. სოციალური ქსელების დახმარებით აკეთებ ე.წ. სარეკლამო გვერდებს და შენ პროდუქციას ეთებ რეკლამას, მაგრამ ამ ყველაფერთან ერთად აქვს უარყოფითი მხარეებიც ჯანმრთელობის თვალსაზრისით, აქვეითებს მხედველობას და ამასთანავე მისი ხშირი მოხმარებისას რეალობას წყდები და კომპიუტერზე მიჯაჭვული ხდები. ამას ბევრი სპეციალისტიც აღნიშნავს.. მაგალითად:ერთ-ერთი ოფთალმოლოგი ნანა ქებაძის  დაკვირვებით კომპიუტერიზაციის პირველსავე წლებში აშკარა გახდა, რომ კომპიუტერთან ხანგრძლივი მუშაობის შედეგად ადამიანებს აღენიშნებათ მხედველობის სიტემის გადაღლილობა. ამ ფაქტორს, მოგვიანებით პირობითად ”მხედველობითი კომპიუტერული სინდრომი” ეწოდა. ამ სინდრომის წარმოშობის მიზეზი სხვადასხვაგვარია. საქმე იმაშია, რომ დისპლეის გამოსახულება მკვეთრად განსხვავდება თვალისთვის ჩვეული აღქმის ობიექტებისგან - ის ანათებს, შედგება დისკრეტული წერტილებისგან რომლებიც გარკვეული სიხშირით ქრება და ინთება. გარდა ამისა არც ფერადი კომპიუტერული გამოსახულება შეესაბამება ბუნებრივ ფერებს.

 მაგრამ მხოლოდ ეს არ იწვევს მხედველობის სისტემის გადაღლას. კომპიუტერთან ხანგრძლივი მუშაობისას თვალს განტვირთვის საშუალება არ აქვს. ამის გამო თავისთავად იძაბება მხედველობა და იკლებს მისი ქმედითუნარიანობა. თვალი ყველაზე დიდ დატვირთვას იღებს მაშინ, როცა ადამიანს კომპიუტერში ინფორმაცია შეჰყავს. ასეთ შემთხვევაში პიროვნება იძულებულია ხშირად გადაიტანოს მზერა ეკრანიდან ტექსტზე, ტექსტიდან - კლავიატურაზე, რომლებიც სხვადასხვა მანძილითაა ერთმანეთისგან დაშორებული და თავისთავად სხვადასხვა განათების ქვეშ იმყოფება. ქ-ნი ნანა კომპიუტერთან მომუშავეებს ურჩევს პერიოდულად მოშორდნენ მონიტორს, მზერა სხვა რამეზე გადაიტანონ, თვალი დაასვენონ და მხოლოდ ამის შემდეგ განაახლონ მუშაობ.  მეც ვეთანხმები მის ამ მოსაზრებას,რაგდან ამ პრობლემის მქონე ბევრი პიროვნება მინახავს.

ასევე საზოგადოებაში არის გავრცელებული აზრი facebook.com -თან დაკავშირებული, რომ ზოგჯერ მას იყენებენ სხვადასხვა კვლევისთვის , რომელიც მათ ეხმარებათ საზოგადოებაში არსებული აზრის , მოსაზრებების დასადგენად. შედეგად ვღებულობთ სტატისტიკურ მონაცემებს , მაგალითად, ზოგჯერ facebook.com ის საშუალებით ვრცელდება პოლიტიკური ინფორმაციები და ტარდება გამოკითხვები, რომლის მაგალითსსაც შეგიძლიათ გაეცნოთ, სადაც 150 კაცია გამოკითხული და დიაგრამაზე ასახულია მათი დამოკიდებულება ამასთან დაკავშირებით.  ამ აზრს მეც ვეთანხმები,რადგან მსგავსი პოსტები ხშირად მინახავს სოციალურ ქსელებში,  ამას ზოგი კრიტიკილად უყურებს ,მაგრამ მე ასე არ მიმაჩნია. გამომდინარე იქიდან, რომ სოციალურ ქსელებს საზოგადოებოს დიდი ნაწილი მოიხმარს ,მათი საერთო აზრის გაგება ამ გზით უფრო მარტივი და ხელსაყრელია. 

წყარო

სოციალური მედია და ჩვენ

       როგორც ავღნიშნე, ინტერნეტმა ბევრი რამის შექმნა განაპირობა ,მათ შორის სოციალური ქსელებისაც, რომელსაც, დღესდღეობით ,  დამეთანხმებით, ჩვენს ცხოვრებაში მნიშვნელოვანი ადგილი უკავია.                                    

           დღეს სოციალური მედია საქართველოში იმდენად აქტუალურია, რომ ტრადიციულ მედიას ხშირად უსწრებს კიდეც. საქართველოში, სოციალური მედია, შეიძლება ითქვას, რომ ჯერ კიდევ ახალია და განვითარების ეტაპზე დგას, რადგან ჯერ ისევ ინტერნეტის გავრცელების/დაფარვის პრობლემაა ქვეყანაში. მსოფლიოში კი ეს საშუალება უკვე იმდენადაა განვითარებული, რომ 30 მაისს “სოციალური მედიის დღე” აღინიშნება. საქართველო ამ “დღესასწაულს” 2010 წლიდან შეუერთდა. სოციალური მედიის დღე Mashable.com-ის ინიციატივით ეწყობა მთელს მსოფლიოში. ამ ვებ-გვერდის მონაცემებით, 2010 წლის 30 მაისს, სოციალური მედიის დღე 92 ქვეყანაში 11 ათასზე მეტმა ადამიანმა აღნიშნა. . ასევე თურმე ჩატარებულია გამოკითხვები, რომლის მიხედვით განსაზღვრულია ,ამა თუ იმ წელს, ადამიანთა დაინტერესება სოციალური ქსელების მიმართ წლების მიხედვით, რომელსაც შეგიძლიათ გაეცნოთ.

 

 MySpace.com ერთ დროს სოციალური რევოლუციის ერთ-ერთი პირველი მერცხალი იყო ინტერნეტში. შემდეგ სოციალურმა ქსელმა არნახულ წარმატებას მიაღწია და 100 მილიონ მომხმარებელს გადააბიჯა, რითაც ყველაზე დიდი სოციალური ქსელი გახდა ისტორიაში.

 
    მოგვიანებით, კი ჩნდება უკვე სხვა სოციალური ქსელებიც. facebook.com     odnoklassniki.ru...

2010 წელს უმაღლესი აქტიური მომხმარებლების მაჩვენებელმა 500 000-ს მიაღწია. ანუ ეს იმას ნიშნავს, რომ დაფიქსირდა 500 000 ადამიანი, რომელიც ერთდროულად იყო შესული საიტზე. ეს მეტყველებს იმაზე, რომ მთელი მსოფლიოა ჩართული ამ პროცესში. მათ შორის საქართველოშიც ბევრ ადამიანს აქვს facebook და odnoklassniki, 2009 წელი დასასრული 2010 წლის დასაწყისი იყო odnoklassniki-ს ბუმი მაგრამ მოგვიანებით        საქართველოში ყველაზე პოპულარული სოციალურ ქსელად იქცა facebook-ი. როგორც აღმოვაჩინე, ჩატრებულია კვლევაც მარკეტინგული კომპანია Nielsen-ის მიერ  სოციალურ ქსელ Facebook–ზე (2010, სექტემბერი). ამ კვლევის მიხედვით, თვეში მომხმარებლის მიერ ინტერნეტში დახარჯული დროის 22 % “სოციალურია”. Facebook-ის მომხმარებლები, თვიურად ჯამში დაახლოებით 110 მილიარდ წუთს ატარებენ სოციალურ ქსელებსა და ბლოგებზე. Nielsen-ის კვლევის მიხედვით, სოციალურ ქსელებისა და ბლოგების მონახულება გასულ წელთან შედარებით 20 % -ით გაიზარდა. რამაც გლობალური ქსელის მომხმარებელთა სამი მეოთხედი შეადგინა.  

 
    რაც შეეხება ბლოგებს, უნდა აღინიშნოს ,რომ ამჟამად,ისიც აქტუალურია,მაგრამ ,ჩემი აზრით, იმდენად არა  როგორც facebook.com.
  ბლოგი ჩვეულებრივ წარმოადგენს ერთი ან რამდენიმე ადამიანის მიერ წარმოებულს ვებ-საიტს, რეგულარული ჩანაწერებით, რომლებიც აღწერენ სხვადასხვა მოვლენებს ან/და შეიცავენ გრაფიკულ-ვიდეო-აუდიო მასალას. ჩანაწერები როგორც წესი განლაგებულია უკუქრონოლოგიურად.

ბლოგების უმეტესობა შეიცავს კომენტარს ან ახალ ამბავს კონკრეტული თემის შესახებ; ზოგჯერ კი წარმოადგენს ონლაინ დღიურს. ტიპიური ბლოგი აერთიანებს ტექსტს, გამოსახულებას, ბლოგების, ვებ-საიტების ლინკებს და სხვა თემასთან დაკავშირებულ მედიას. მკითხველების მიერ კომენტარების დატოვების საშუალება ინტერაქტიული ფორმატით ბევრი ბლოგის მნიშვნელოვანი ნაწილია. ბლოგების უმეტესობა ძირითადად ტექსტურია, თუმცა ზოგიერთი ფოკუსირებულია ხელოვნებაზე (artblog), ფოტოგრაფიაზე (photoblog), ვიდეო მასალაზე (vlog), მუსიკაზე (MP3 blog), აუდიო მასალაზე (podcasting).

 
 
ბიბლიოგრაფია :

წყარო : წიგნი, საბაკალავრო ნაშრომი
ავტორი : მარინე ახსიაშვილი
სათაური :სოციალური მედია , როგორც ინფორმაციის გავრცელების საშუალება

ლინკები : http://it.scribd.com/doc/34434051/სოციალური-მედია-მარი
                   http://ka.wikipedia.org/wiki/ბლოგი

   

ინტერნეტი და კომპიუტერი

         ინტერნეტის გამოჩენამ კიდევ უფრო პოპულარული გახადა კომპიუტერი,რადგან ყველას მოგვეხსენება,  მისი გამოყენებით   უკვე შესაძლებელია სხვადასხვა , ყოველდღიური თუნდაც "პრობლემების" მოგვარება. მას ასევე უკვე აქტიურად იყენებს ყველა დაწესებულება,რადგან ინტერნეტის უპირატესობა ,ჩემი აზრით, სწორედ იმაში მდგომარეობს, რომ მისი დახმარებით ყოველდღიურ საქმიანობა უფრო ეფექტური ხდება. ამასთანავე, ეს ყველაფერი მოკლე დროში ხორციელდება.

  სწორედ ამ მხრივ, 60-70-იანი წლები იღბლიანი გამოდგა.  1969 წელს "დაიბადა" პირველი გლობალური კომპიუტერული ქსელი - სწორედ ის ქსელი, რასაც დღეს "Internet-ს" ვუწოდებთ. ასევე, სწორედ 1969 წელს ერთდროულად გამოჩნდნენ ოპერატიული სისტემა  Unik და დაპროგრამების ენა "C", რომლებმაც უდიდესი გავლენა მოახდინეს პროგრამულ სამყაროზე და დღესაც ინარჩუნებენ ამ მდგომარეობას. 

ინტერნეტს უკვე 1.73 მილიარდი მომხმარებელი ჰყავს...

ინტერნეტი წარმოადგენს კომპიუტერების ერთმანეთთან დამაკავშირებელ ქსელს. ინტერნეტი ფაქტობრივად ერთი დიდი ქსელია, რომელშიც გაერთიანებულია შედარებით მცირე სხვადასხვა სახის ქსელები – როგორიცაა პრივატული და საზოგადო, აკადემიური, ბიზნეს და სამთავრობო ქსელები. ინტერნეტს არ გააჩნია ერთიანი ხელმძღვანელობა და ინტერნეტ ტექნოლოგიების ტექნიკური სტანდარტები ყველასთვის გახსნილია.

  ამასთანავე ჩემი კვლევის დროს აღმოვაჩინე ,რომ ინტერნეტის შექმნასთან დაკავშირებით, განსხვავებული აზრიც არსებობს. მათი აზრით, ინტერნეტის შექმნის ერთიანი თარიღი არ არსებობს,  ამის მიზეზი კი სხვადასხვა ადამიანები ათვლის წერტილად სხვადასხვა მოვლენის დასახელებაა.

   მაგრამ ფართო გავრცელებული აზრი ინტერნეტის შექმნასთან დაკავშირებით მაინც 1969 წელს უკავშირდება. აღიარებულია, რომ 1969 წლის 29 ოქტომბერს ARPANET-ის ჩართულ ორ კომპონენტს შორის პირველი კავშირი შედგა. ისინი ერთმანეთისგან 640 კილომეტრით იყვნენ დაშორებულნი. ერთი კალიფორნიის უნივერსიტეტში, ქალაქ ლოს-ანჯელესში (UCLA), მეორე კი სტენფორდის კვლევათა ინსტიტუტში (SRI) მდებარეობდა. ჩარლი კლაინი (Charley Kline) ცდილობდა დაკავშირებოდა სტენფორდის კვლევათა ინსტიტუტის კომპიუტერს და მისთვის მონაცემები გადაეგზავნა. მონაცემთა გადაცემის პროცესს სტენფორდის კვლევათა ინსტიტუტში ბილ დუვალი (Bill Duvall) აკვირდებოდა. ამ ისტორიული ექსპერიმენტის შედეგებს იგი კოლეგას ტელეფონის საშუალებით ამცნობდა. პირველი სეანსის მიმდინარეობისას მოხერხდა მხოლოდ სამი სიმბოლოს გადაგზავნა – LOG, რის შემდეგაც ქსელმა შეწყვიტა ფუნქციონირება. LOG სიტყვა LOGON უნდა ყოფილიყო (ანუ სისტემაში შესვლის ბრძანება). სისტემის სამუშაო რეჟიმში დაბრუნება მხოლოდ საათნახევრის შემდეგ მოხერხდა და შემდეგი ცდა წარმატებით დასრულდა. ზუსტად ეს თარიღი შეიძლება ჩაითვალოს ინტერნეტის დაბადების დღედ.

შემდეგ ARPANET-ში სულ უფრო და უფრო მეტი ამერიკული სასწავლო და სამეცნიერო დაწესებულება ერთიანდებოდა. 1973 წელს ტრანსატლანტიკური კაბელის საშუალებით ქსელში ჩაერთო პირველი უცხოური ორგანიზაციები (დიდი ბრიტანეთიდან და ნორვეგიიდან). ამგვარად ქსელი საერთაშორისო გახდა. სამოცდაათიან წლებში ქსელი ძირითადად გამოიყენებოდა ელექტრონული გზავნილების (email-ების) მიღებისა და გაგზავნისთვის. მაშინვე გაჩნდა პირველი Electronic mailing list, News Groups, Bulletin Board System (BBS).

მაგრამ ამ დროს არსებული ქსელი ჯერ კიდევ თავისუფლად ვერ ურთიერთქმედებდა სხვა ქსელებთან, რომლებიც განსხვავებული პრინციპებით იყო აგებული. ამგვარად 1982-83 წლებში შეიქმნა ერთიანი სტანდარტი. რომელსაც TCP/IP ჰქვია. ეს სტანდარტი დღესაც გამოიყენება სხვადასხვა ქსელების გასაერთიანებლად. TCP/IP-პროტოკოლი გულისხმობს, რომ ქსელში ჩართულ ნებისმიერ მოწყობილობას (კომპიუტერს) ენიჭება ნომერი ანუ IP-მისამართი და ვინაიდან ყველა კომპიუტერს, რომელიც დღეს ინტერნეტშია ჩართული თავისი უნიკალური ნომერი აქვს, მათ შიორის კომუნიკაციაც მოწესრიგებულია.

1983 წელს ტერმინი ინტერნეტი გახდა ერთიანი ქსელის სახელი. ქსელისა, რომლის მნიშვნელოვან ნაწილს ARPANET-ი წარმოადგენდა. შეიძლება ითქვას, რომ ARPANET-ი ინტერნეტად გარდაისახა.

1989 წელს, ევროპაში ცერნის ლაბორატორიაში (ფრ. Conseil Européen pour la Recherche Nucléaire, CERN), იქ, სადაც დღეს მსოფლიოს წამყვანი ფიზიკოსები ანდრონულ კოლაიდერში თავიანთ ექსპერიმენტებს ატარებენ, დაიბადა ვების (World Wide Web (WWW)) კონცეფცია. ეს კონცეფცია ბრიტანელმა მეცნიერმა ტიმ ბერნეს ლიმ (Sir Timothy John «Tim» Berners-Lee)წარმოადგინა. მისი იდეა ერთი შეხედვით მარტივი და დღევანდელი მომხმარებლისთვის სავსებით ბუნებრივი იყო – იმის ნაცვლად, რომ ინტერნეტის მომხმარებლებს ერთმანეთისთვის ინფორმაცია გაეგზავნათ, საშუალება უნდა ჰქონოდათ, რათა ინტერნეტში გვერდები შეექმნათ, რომელთა საშუალებითაც ინფორმაციის ინტერნეტში განთავსება იქნებოდა შესაძლებელი. ასე გაჩნდა ჩვენთვის ესოდენ ნაცნობი ვებგვერდების კონცეფცია. უფრო მეტიც, ეს გვერდები ერთმანეთთან ლინკებით ინდა ყოფილიყო დაკავშირებული, რათა ადამიანს ერთი გვერდიდან მეორეზე

გადასვლის საშუალება ჰქონოდა.          

 ვიდეო გაკვეთილები

   

 ისიც უნდა აღინიშნოს ,რომ ინტერნეტის გამოჩენამ შესაძლებელი გახადა ბევრი მნიშვნელოვანი   საიტის შექმნა , როგორებიცაა:  youtube.com  , google.com , gmail.com და ბევრი კიდე სხვა.,რომელთა გამოყენებითაც ვფიქრობ , გვიადვილდება თუნდაც  მარტივი გზებით მოვიპოვოთ  ესა თუ ის ინფორმაცია და ა.შ.   მაგალითად : youtube.com -ის დახმარებით   შესაძლებელია ინტერნეტშივე გაეცნო ვიდეო გაკვეთილებს,თუნდაც ეს შესაძლებელია იყოს კომპიუტერის შესახებ, რომელსაც მე,პირადად, ხშირად მივმართავ.. ასევე ინტერნეტის სახელთანაა დაკავშირებული სოციალური ქსელების, ბლოგების, , რომლებზეც შემდეგ პოსტში ვისაუბრებ...

ბიბლიოგრაფია :

წყარო : ინტერნეტი

სათაური : საიდან გაჩნდა ინტერნეტი?

ავტორი : სანდრო ასათიანი

პოსტის შექმნის თარიღი :Tuesday, 12 October 2010 14:08

ლინკი : http://www.ptpress.ge/index.php?option=com_content&view=article&id=728:2010-10-12-10-11-10&catid=9:0109metsniereba&Itemid=8

კომპიუტერის განვითარების ეტაპები და თაობების მიხედვით დაყოფა

  როგორც აღვნიშნე, კომპიუტერი არის პროგრამის მიხედვით ამტომატურად მართვადი სწრაფმომქმედი .ელექტრონული მანქანა, რომლის ძირითადი დანიშნულებაა დიდი მოცულობის ინფორმაციის შენახვა, დამუშავება და გადაცემა.

ბოლო წლებში კომპიუტერის რაოდენობამ საგრძნობლად მოიმატა. მის რიცხობრივ ზრდასთან ერთად, არანაკლებ სწრაფად მიმდინარეობდა მათი სრულყოფის პროცესიც.

ელემენტური ბაზის, ტექნიკური მახასიათებლების და ინფორმაციის დამუშავების მიხედვით მიღებულია კომპიუტერის დაყოფა თაობებად:

I თაობა (1950-1957) - ამ თაობის მანქანები აგებული იყო ლამპებზე და ელექტრონულ-სხივურ მილაკებზე. ისინი არსებობდნენ 1957 წლამდე. ამ თაობების ეგმ-ზე წარმოდგენა რომ ვიქონიოთ, საკმარისია აღვნიშნოთ, რომ პირველი კომპიუტერი "ენიაკი" იწონიდა 27ტ-ს, შედგებოდა 18000 ლამპისგან, იკავებდა 200 მ2 ფართობს და მას ემსახურებოდა პროგრამისტთა და ინჟინერთა მთელი არმია. ამ თაობის მანქანებს მეხსიერება მაგნიტურ დოლებზე ჰქონდათ. მათი მუშაობის სიჩქარე თანამედროვე კომპიუტერთან შედარებით ძალზე მცირე იყო. წამში მხოლოდ 10-15 ათასი არითმეტიკული ოპერაციების შესრულება შეეძლო. ეს მანქანები ძირითადად ექსპერიმენტული მოწყობილობები იყვნენ და მათ აგებდნენ სხვადასხვა თეორიული მოსაზრებების შესამოწმებლად.

  როგორც ავღნიშნე, პირველი კომპიუტერი " ენიაკი" იყო. "ენიაკის" პარალელურად კი დიდ ბრიტანეთში საიდუმლოდ იქმნებოდა კიდევ სხვა სახის კომპიუტერიც "IBM".მას  შეეძლო კოდების გაშიფრა, რის გამოც საჭირო იყო მისი გასაიდუმლოება. მას იყენებდნენ გერმანიაში პირველი და მეორე მსოფლიო ომის დროს. კოდების გახსნის მათემატიკური მეთოდი შექმნილი იყო მათემატიკოსთა ჯგუფის მიერ, რომელშიც შედიოდა ალან ტიურინგი (Alan Turing).ასევე , 1943 წელს ლონდონში გამოიგონეს მანქანა Colossus,, რომელსაც ჰქონდა 1500 ელექტრონული ლამპა. ამ მანქანის ავტორნი და შემქმნელნი არიან - მ. ნიუმენი და ფ. ფლაუერი.

  1937 წელს კი მათემატიკოსმა ჰოვარდ ეიკენმა (Howard Aiken) წარმოადგინა დიდი გამომთვლელი მანქანის შექმნის პროექტი. იგი დაასპონსორა ფირმა IBM-ის პრეზიდენტმა ტომას ვატსონმა (Tomas Watson), რომელმაც ამ საქმეში ჩადო 500 000 დოლარი. Mark-1-ის დაპროექტება დაიწყო 1939 წელს და გამოვიდა როგორც IBM-ის პროდუქცია.

ასევე ძალზე ნაყოფიერი იყო 1955 წელი. ფირმა Ferrant-იმ გამოუშვა კომპიუტერი Pegasus, რომელშიც გამოყენება ჰპოვა საერთო დანიშნულების რეგისტრების კონცეფციამ. აღნიშნული კომპიუტერისათვის ამერიკის შეერთებული შტატების საზღვაო ფლოტის ოფიცერმა, (შემდგომში ადმირალმა) პროგრამისტმა გრეის ხოპერმა შექმნა პირველი კომპილატორი - პროგრამა, რომელიც ადამიანისთვის გასაგებ სიმბოლურ ენაზე დაწერილ პროგრამას თარგმნიდა მანქანურ ენაზე. კომპილატორი საგრძნობლად აადვილებდა პროგრამირების პროცესს.

   პირველი თაობის კომპიუტერებია: "ენიაკი", СТРЕЛА, УРАЛ-2, M-20 და სხვა. ეს კომპიუტერები დიდი მოცულობისა და ნაკლებად საიმედონი იყვნენ, საჭიროებდნენ აგრეთვე ბევრ ელექტროენერგიას.

II თაობა (1958-1963) - ელექტრონული ტექნიკის განვითარებამ, კერძოდ, ტრანზისტორული (ნახევარგამტარული) ელემენტების გამოჩენამ განაპირობა II თაობის კომპიუტერის შექმნა. ლამპა შეიცვალა უფრო საიმედო და უფრო სწრაფი ტრანზისტორით. ამ მანქანებს მახსოვრობა ჰქონდათ მაგნიტურ გულანებზე. ისინი წარმოადგენდნენ პატარა რგოლებს, რომლებსაც შეეძლოთ დაემახსოვრებინათ ორმაგი ინფორმაცია. ტრანზისტორული კომპიუტერი მის წინამორბედისგან განსხვავებით გამოირჩეოდა მაღალი სწრაფქმედებით. გაიზარდა მისი მუშაობის საიმედობა, გამოყენების სფერო, შემცირდა მისი გაბარიტები და მოხმარებული ენერგია. მას იყენებდნენ სხვადასხვა სტატისტიკური და ეკონომიური ამოცანების ამოსახსნელად. დიდია მისი წვლილი სამეცნიერო-ტექნიკური ამოცანების გადაწყვეტაშიც.

ამ წლების მნიშვნელოვანი მონაპოვარი განეკუთვნება პროგრამის სფეროს. II თაობის კომპიუტერებში პირველად გაჩნდა ის, რასაც დღეს ვეძახით ოპერაციულ სისტემას. ასევე, ამ წლებში შეიქმნა დაპროგრამების ენები: ფორტრანი, კობოლი, ალგოლი.

ამ თაობის კომპიურეტებია: M-220, БЕСМ-4, УРАЛ-14, МИНСК-2, МИНСК-4 და სხვა.

III თაობა (1963-1974) - 1964 წელს ფირმა IBM-მა წარადგინა ექვსმოდულიანი მოწყობლობა IBM, რომელიც იყო პირველი კომპიუტერი მესამე თაობაში. ეს მანქანები ერთმანეთს უკავშირდებოდნენ ოპერატიული სისტემით და ჰქონდათ ბრძანების ერთიანი სისტემა.

1957 წელს რობერტ ნოისმა (შემდგომში Intel-ის დამაარსებელი) გამოიგონა სრულყოფილი მეთოდი, რომლის საშუალებით ერთ ფირფიტაზე თავსდებოდა რამდენიმე ათეული ტანზისტორი და მათი შემაერთებელი ყველა საშუალება. მიღებულ ელექტრულ სქემას უწოდეს ინტეგრალური სქემა ანუ ჩიპი. 1968 წელს გამოვიდა პირველი კომპიუტერი ინტეგრალუტი სქემით. ხოლო 1970 წელს Intel ფირმამ დაიწყო ინტეგრალუტი სქემის გაყიდვა.

ამავე წელას Intel ფირმამ ააგო დიდი ეგმ-ის ცენტრალური პროცესორის ანალოგიური ინტეგრალური სქემა. ასე გაჩნდა პირველი მიკროპროცესორი lntel-4004.

ინტეგრალური სქემების გამოყენებამ გამოიწვია ამ თაობის კომპიუტერის სწრაფმოქმედების საგრძნობი ამაღლება (80-100 ათასი არითმეტიკული ოპერაცია წამში). აგრეთვე შეიქმნა დისკური ტიპის მეხსიერება და ინფორმაციის შემტან-გამომტანი მოწყობილობა - დისფლეი. დისფლეი შედგება ეკრანისა და კლავიატურისადან. დისკური ანუ გარე მეხსიერება განკუთვნილია იმ ინფორმაციის დასამახსოვრებლად, რომელიც მომხმარებელმა შეიძლება მრავალჯერ გამოიყენოს.

კომპიუტერის განვითარების პროცესს თან სდევდა მანქანის პროგრამული უზრუნველყოფის, საექსპლუატაციო შესაძლებლობათა და მრავალი სხვა მაჩვენებლის მკვეთრი გაუმჯობესება.

მოიპოვა რა ლიდერობა, სწორედ ამ წლებში დაიწყო IBM ფირმამ IBM ტიპის კომპიუტერების გამოშვება, დაწყებული, პატარა კომპიუტერებიდან, დამთავრებული ყველაზე მძლავრი და ძვირადღირებული კომპიუტერით.

 

ამ თაობის კომპიუტერებს მიეკუთვნება: EC-1022, EC-1035, CM-2, CM-4, EC-1055 და სხვა.

IV თაობა (1975-1985) - სამწუხაროდ, 1975 წლიდან კომპიუტერის თაობების ცვლის სწორხაზოვნება ირღვევა... ითვლება, რომ 1975-85 წლების პერიოდში გამოსული კომპიუტერები ეკუთვნის IV თაობას, მაგრამ არსებობს სხვა მოსაზრებებიც: ბევრი მეცნიერი თვლის, რომ ამ წლების მიღწევები იმდენად მნიშვნელოვანი არ არის, რომ ამ პერიოდში გამოშვებული კომპიუტერები ახალ თაობას მივაკუთნოთ. ამ მოსაზრების მიმდევრები მესამე თაობას "III + ნახევარ"-ის თაობის კომპიუტერებს უწოდებენ და მხოლოდ 1985 წლიდან დღემდე გამოსულ კომპიუტერებს თვლიან IV თაობის მანქანებად.

რაც მთავარია, სწორედ 80-იანი წლების დასაწყისიდან, პერსონალური კომპიუტერების გამოჩენის წყალობით, კომპიუტერული ტექნიკა მართლაც გახდა ხელმისაწვდომი საზოგამოებისთვის.

V თაობის კომპიუტერი - განსაკუთრებით აღნიშვნის ღირსია ე.წ. V თაობის კომპიუტერები; ამ თაობის კომპიუტერების აგების პროგრამა შეიქმნა იაპონიაში 1982 წელს. პროგრამის მიხედვით გათვალისწინებული იყო, რომ 1991 წელს გამოვიდოდა სრულიად ახალი ტიპის კუმპიუტერები, რომლებიც ორიენტირებულნი იქნებოდნენ ხელოვნური ინტელექტის ამოცანების ამოხსნაზე. ამ მანქანების ენა იქნებოდა პროლოგი და მათი ძირითადი ამოცანა კი არა ინფორმაციის, არამედ ცოდნის შენახვა და დამუშავება. მოკლედ რომ ვთქვათ, ამ მანქანებისთვის პროგრამებს კი არ დაწერდნენ, არამედ, "ბუნებრივ ენაზე" აუხსნიდნენ, თუ რას ითხოვდნენ მისგან და ეს მანქანაც ყველაფერს გააკეთებდა.

ასევე აღსანიშნავია პერსონალური კომპიუტერიც, რომელმაც დიდი გარდატეხა მოახდინა ჩვენს ყოველდღიურობაში. იგი მისი წინამორბედისგან გამოირჩევა ბევრი უპირატესობით,როგორიცაა სიმარტივე,   საიმედობა,  დაბალი ფასი და სხვა. სწორედ ამ უპირატესობების გამო,   გამოთვლითი ტექნიკა ადამიანის მოღვაწეობის ყველა სფეროში შეიჭრა, რამაც, თავის მხრივ, საინფორმაციო ტექნოლოგიების განვითარების ტემპების არნახული ზრდა გამოიწვია.

პირველი პერსონალური მიკროკომპიუტერი, სახელწოდებით "Altair", შეიქმნა 1974 წელს. ამ კომპიუტერის მწარმოებელი კომპანია MITS დააარსა ედ რობერტსმა. ფაქტიურად, "Altair" წარმოადგენდა მიკროკომპიუტერის ასაწყობ კომპლექტს და ძალიან განსხვავდებოდა თანამედროვე პერსონალური კომპიუტერებისგან. მას არ ჰქონდა კლავიატურა და მონიტორი. მონაცემების შეყვანა ხორციელდებოდა წინა პანელზე მოთავსებული გადამრთველების საშუალებით. ამ კომპიუტერისთვის პროგრამების ინტერპრეტატორი ბეისიკი კი შექმნა კორპორაცია Microsoft-ის დამაარსებელმა - ბილ გეიტსმა.

1977 წლისათვის გამოვიდა სხვადასხვა ფორმის კიდევ რამდენიმე პერსონალური კომპიუტერი: Tandy, Commodore, Apple II. განსაკუთრებით საყურადღებოა კომპიუტერი Apple, რომლის პირველი მოდელი ორმა ახალგაზრდა მეგობარმა სტივ ჯობსმა და სტივ ვოზნეაკმა შექმნეს. 1976 წელს მათ დააარსეს კომპანია Apple Computer, რომლის სამუშაო ოფისად გამოიყენეს ჯობსის მშობლების ბინის ერთ-ერთი საძინებელი ოთახი. 1977 წელს მათ მიერ შექმნილი კომპუტერის შემდგომი მოდელი Apple II გამოირჩეოდა კარგი დიზაინითა და საიმედოობით. ეს იყო მსოფლიოში პირველი პერსონალური კომპიუტერი, ფერადი გრაფიკით. ამ მოდელს დიდი წარმატება ხვდაწილად. უკვე 1980 წელს Apple Computer-ის შემოსავალი შეადგენდა 117 მლნ. დოლარს.

1979 წელს გამოვიდა Apple II-ის მოდიფიცირებული მოდელი Apple II plus. ის წარმოადგენდა უკვე საკმაოდ დახვეწილ პერსონალურ კომპიუტერს, რომელთანაც სპეციალური პლატების მეშვეობით შეიძლებოდა სხვადასხვა მოწყობილობების (საბეჭდი, დისკური მოწყობილობის, ფერადი ტელევიზორის) მიერთება. Apple II plus-თვის შექმნილმა "ელექტრონული ცხრილების" პირველმა პროგრამამ სახელწოდებით VisiCalc გადააქცია ეს კომპიუტერი სერიოზულ ინსტრუმენტად (მცირე ფირმების ბუღალტერიის წარმოებისათვის).

ნელ-ნელა ახალი და გაუმჯობესებული პროცესორების შექმნამ და შემდეგ  გამოყენებამ გაზარდა კომპიუტერის შესაძლებლობები, რადგან ის მუშაობდა 1 მბტ. მეხსიერებასთან, ხოლო ყველა სხვა კომპიუტერი იყო 64 კბტ. შეზღუდული მეხსიერებით. ამ კომპიუტერის პროგრამული უზრუნველყოფა შემუშავებულ იქნა ფირმა Microsoft-ის მიერ. 1981 წლის აგვისტოში გამოვიდა ახალი კომპიუტერი IBM PC და ძალიან მალე დიდი პოპულარობაც მოიპოვა. ერთი-ორი წლის შემდეგ IBM PC კომპიუტერმა წამყვანი ადგილი დაიკავა კომპიუტერული ტექნიკის ბაზაზე და პერსონალური კომპიუტერის სტანდარტად იქცა. დღეს ასეთი კომპიუტერები (IBM PC-თან თავსებადი) შეადგენენ მსოფლიოში წარმოებული კომპიუტერების 90%-ს.

1983 წლს გამოვიდა IBM PC XT კომპიუტერი, რომელსაც ჰქონდა მყარი დისკი "ვინჩესტერი"და 1985 წელს კი გამოვიდა IBM PC AT ახალი Intel-80286 პროცესორის ბაზაზე. იგი 3-4-ჯერ უფრო სწრაფად მუშაობდა, ვიდრე მისი წინამორბედი. მალე სხვა ფირმებმაც დაიწყეს IBM PC- თან თავსებადი კომპიუტერების წარმოება, რომლებსაც უფრო იაფად ყიდნენ. ზოგიერთმა ფირმამ უფრო სწრაფად "აითვისა" ტექნიკური მიღწევები, ვიდრე IBM-მა. ახალი კომპიუტერი Intel-80386-მა, პროცესორით გამოუშვა უკვე არა IBM-მა არამედ ერთ-ერთმა სხვა ძლიერმა კომპანიამ. ასე, რომ IBMMფირმამ დაკარგა ლიდერის როლი და გახდა ერთ-ერთი სხვა ფირმებს შორის.

ამრიგად, დასახელება " IBM PC" სულაც არ ნიშნავს, რომ კომპიუტერი ამ ფირმის მიერ არის დამზადებული. დღეს ამ ტიპის კომპიუტერების უმეტესობა იწყობა სამხრეთ-აღმოსავლეთ აზიაში, სადაც მათი წარმოება უფრო იაფია.

IBM PC ტიპის კომპიუტერების განვითარება ხდება სხვადასხვა ფირმის მეშვეობით, თუმცა IBM-ის ფირმა მაინც რჩება ყველაზე დიდ მწარმოებელ ფირმად. კომპიუტერები Intel-80386X, 80486, Pentium პროცესორებით Super-VGA 800x600 და 1024x768 მინიტორებით დაამზადა არა IBM-მა, არამედ სხვა ფირმებმა. IBM PC ტიპის კომპიუტერების განვითარებაზე დღეს ყველაზე დიდ გავლენას ახდენს მიკროპროცესორების - "კომპიუტერის ტვინის" მწარმოებელი Intel ფირმა და ფირმა Microsoft, რომელმაც გამოუშვა ოპერაციული სისტემა MS DOS, გრაფიკული გარსი Windows და სხვა მრავალი პროგრამა IBM PC ტიპის კომპიუტერებისთვის.

ბიბლიოგრაფია :

წყარო: ინტერნეტი

 სათაური: კომპიუტერის განვითარების თაობები

ავტორი: თამარ შერვაშიძე

ლინკი: http://www.gzashemecnebisaken.narod.ru/kompiuteris_ganvitarebis_istoria.htm